हैदराबाद सहल
प्रस्तावना
प्रस्तावना
"हैदराबाद सहल" हे माझे प्रवास करणारे दुसरे
पुस्तक. पहिली सहल दिर्घ मुदतीची होती तर ही सहल जमतेम आठ दिवसाची होती. या
प्रवासातले सहप्रवासी वेगळे होते. या सहलीचे वेळापत्रक आणि रेल्वे, विमान यांचे
बुकींग आमचे आम्ही केले होते. मुक्कामाची आणि स्थानिक प्रवासाची सोय ट्रॅव्हेलिंग
कंपनी मार्फत केली होती.
हा
माझा पहिलाच विमान प्रवास त्यामुळे त्यात उत्सुकता जास्त होती. हैदराबाद हे नबाबी
शहर परंतु या शहराची एक वेगळीच शान आहे. येथे मंदिरे आहेत तशीच मसजिदही आहे. नबाबी
राजवाडे, म्युझियम, गार्डन आहेत. रामोजीराव या द्रष्ट्या व्यक्तीविश्वामित्राने
उभारलेले मयसभेसारखे रामोजी फिल्म सिटी ही मायावी
नगरी आहे. रामदासी परंपरा सांगणारा मठही येथे आहे.
या
सहलीत आम्ही बारा ज्योतिर्लिंगांपैकी एक असणाऱ्या श्रीशैलम् येथेही गेलो होतो.
ज्या स्थानी शिवाजीमहाराजांसारख्या श्रीमंत योग्याला आपले शिरकमळ वहावेसे वाटले ती
ही पवित्र जागा. तेव्हा दाट अरण्य होते. परंतु आता मात्र येथे बाजार झाला आहे असे
वाटते. भक्तांची भक्ती त्यांच्या
भक्तिभावात न तोलता येथे नाण्यात तोलली जाते असे जाणवले. अर्थात सगळीकडे तोच
प्रकार आहे. परंतु येथे तो जास्त जाणवला.
तिसरे सहलीचे
ठिकाण होते तिरुपती. तिरुपती संस्थान तर्फे भक्तांची उत्तम सोय होते. तिरुमाला
पर्वत उत्तम विकसित केला आहे. परंतु येथेही भक्तीभावा पेक्षा बाजारीकरणच जास्त
जाणवले. अर्थात भक्तांच्या प्रचंड संख्या हे त्याचे कारण असू शकेल. परंतु
भक्तीभावाचे पारडे जरा हलके वाटले. तो माझा बघण्यातला दोष असू शकतो. एकंदरीत सहलीचा
अनुभव चांगला होता त्यामुळे त्याबद्दल लिहावेसे वाटले. प्रयत्न केला आहे कितपत
जमला हे वाचकच ठरवतिल.
अनिल अनंत वाकणकर
कोणत्याही टिप्पण्‍या नाहीत:
टिप्पणी पोस्ट करा