श्री आर्यादुर्गाष्टक

।। श्री आर्यादुर्गाष्टक ।।
आर्यादुर्गे देवी । निज भक्ता शांति सुख सदा देई ।।
इह पर शत्रू शमवुनि । निज सुख दे पाप तें लया नेई ।।१।।
आर्यांच्या विनंतीने । प्रगटुनिया देवकार्य का केलें ।।
सर्व जना तोषवुनि । वेत्रातें सबलही लया नेले ।।२।।
शिशु दु:खा अवलोकुनि । जननी धावूनि उचलुनि धरिते ।।
त्यापरि भक्ता संकटि । आर्यादुर्गा प्रशस्त ते करिते ।।३।।
अरिवर्गा नासुनिया । भक्ता सांभाळण्या सदा पावे ।।
देवांनाहि जड असे । कार्य करूनि सज्जना सदा पावे ।।४।।
भक्तांलागि वरदा । कलियुगी दुसरी नसे असें वदती ।।
म्हणवूनि शरण आलो । तव चरणासी असो सदा प्रणति ।।५।।
जे महिषासुर दुर्मद । शुंभ निशुंभादि मातले फार ।।
त्या सर्वाते निपटुनि । केला लोकांत भक्त उद्धार ।।६।।
भू भाराते वारी । दावी भक्तांसि आपुला महिमा ।।
ब्रह्मादिक तुज स्तविती । लोकीं विसरुनि आपुली गरिमा।।७।।
आर्यादुर्गा वरदाष्टक हें । गाईल भक्त जो नित्य ।
त्याचे अनिष्ट जाऊनि । ह्रदयी उगवेल ज्ञान आदित्य ।।८।।
(श्री आर्यादुर्गा(देवी हंसोळ) सेवा संघ, पुणे यांच्या सौजन्याने)